細路哥

夜靜。

零晨四時，身軀疲乏，卻仍在網上漫無目的地左看右望。Winamp播放著一首又一首mp3，突然，聽到這首歌。一次，兩次，很多次，按了很多次 play，重聽了又重聽，聽了很多次。

還有兩個月便廿七歲仔。八年前考完會考。五年前進了大學。兩年前離開校園。正式踏進社會、正式成為勞動人口的一分子，那時的我突然覺得迷惘。迷惘，是因為我對平凡有種莫名的排拒：那種讀書－工作－賺錢－買樓－結婚－生仔的方程式，對我而言，更像是一種詛咒。我想擺脫平凡，想在這條方程式下，走一條打破宿命的路。

讀書可否不為工作？
工作可否不為賺錢？
賺錢可否不為買樓？
買樓可否不為結婚？
結婚可否不為生仔？
生仔可否不為．．．不為甚麼？

記 得讀書時，讀過 Steven Lukes 的權力理論，印像很深。權力的極致，就是在不知不覺中改變了我們的價值觀和慾望。我們以為我們需要的，其實卻不是我們真正需要的，可是在大社會的價值之 下，我們都不由自主地向著那個方向走，使我們都以為我們要。要賺錢、要進修、要買樓、要瘦、要美白、要消費、要結婚、要生仔，當它們都簡易地替代了生活， 使人都跑數似的向這些目標追趕時，我們又有否勇氣和智慧，去追尋一些屬於自己的生活？

細路哥II
歌手：林海峰 | 作曲：陳奐仁@theinvisibleman
填詞：林海峰 | 編曲：陳奐仁@theinvisibleman

某一年一班剛剛考完會考o既同學約埋一齊唱K
流行曲唱到一半o既時候
其中一位朋友問o左隔離o個位一個問題
喂　你估o下二十年後o既今日我地會變成一個咩人呢

二十年後
可能已經變成一個西裝骨骨o既中環人
手帶勞力士　銀包有好多張信用卡
放工o既時候就一齊o係酒吧度
一邊望住個煙灰盅
一邊就望住隔離檯o個個女仔
睇o下佢條裙幾時會走光

二十年後
大概終於會買o左個部好想擁有既汽車
但係仲有二十幾期要供
二十年o黎　應該轉過好多份工
識做o既o野越o黎越多
但係同時發覺學識越o黎越少

o係o個個時間　間唔中可能會去o下gym
但係做o黎做去都係減唔到個肚腩
當然二十年o黎你間唔中都會諗起一段
一路都未能放低o既感情
女朋友越o黎越多　但係愛o既越o黎越少

細路哥　你得到什麼　你失去什麼
你知道　what are u looking for

大概o係o個個時候可能會有身邊o既親人離開
而o係個陣時你會有好多講唔出口o既遺憾
同時間你會發覺原來人生已經過o左一大半

同年終於結婚o勒
用左半生o既積蓄俾左一層樓o既首期
有車位有泳池會所
娛樂越o黎越多但係快樂越o黎越少

兩年後　可能會離婚
回復單身之後o既一個晚上一個人o向床上面
(手查)住個搖控不停咁轉台　食o左兩粒安眠藥
跟住點起支薄荷煙
然後流o左一滴自親人離世之後o既眼淚

突然之間你又諗起　o向二十年前
你係一個咩人　係個一晚
一大班同學約埋出o黎唱K唱到天光
仲記得係個朝返到屋企o既時候
打開門o向檯面見到有一碗屋企人留低o既湯
碗湯已經凍o左o勒

細路哥　你得到什麼　你失去什麼
你知道　what are u looking for