大粒差人最愛說的話

打工皇帝出巡，通街鐵馬，十幾個示威者，三十幾個差人，街尾行上街頭都幾乎要申請行街紙先得。

一位細細粒女示威者想避開差人阻攔，七八個差人同佢玩麻鷹捉雞仔。

我地話：俾佢過來啦，攔乜鬼呢？

某大粒阿 sir：我地要保護你安全呀，小心俾車車親！

另一大粒阿 sir：唔好走出馬路呀，有車呀，好危險呀！

（一架私家車穿過滿街差人鐡馬，以時速頂盡10公里駛下，嘩真係險像橫生喎。）


原來示威者雖然全部都係成年人，但係都唔識兼唔會避車，要各大粒阿 sir 咁關心我地交通安全。

阿 sir 你咁關心我地交通安全，去做交通差呀笨。