深層矛盾

在街上收集簽名，反對銷售稅，有一位男士走來簽了個名，然後說：『政府冇鬼用！』－－我本來以為他是指政府控制公共財政的手段，誰知他接著說：『?新移民搶晒?工，政府冇鬼用！』，然後離開了。

xxx

有一位婆婆來到我的辦事處，想申請生果金，我告知她由於她正在拿綜援，不會有額外的生果金。得知事實，她開始呢喃：『有冇搞錯，菲傭都有三千幾蚊啦，又包食又包住！』雖然覺得她九唔搭八，但仍耐心告訴她，其實菲傭幾年前已經被政府強搶去了四百大元，而且她們離鄉別井廿四小時上班，才有三千幾元人工。她仿似不懂，繼續呢喃：『有冇搞錯！』

xxx

和一位長者義工在活動後閒談，談到嫁來香港的內地女性，她一肚氣：『佢地嫁俾o個o的佬，大佢地廿年，落到來咪又係拎綜援，再唔係就落到來後飛左個佬，自己搵錢。講到尾都係想來香港之嘛！』我說，這又怎能一概而論呢？況且香港人又何嘗不是從大陸來的？一位街坊加入戰團：『依家大陸落來o的人冇以前o個輩咁刻苦，』然後加上一句無敵總結：『總之大陸來o既個格都係衰o的！』

xxx

我想起了數個月前那段新移民兒童被辱罵的新聞，有很多話想說，卻不知怎樣說好。本來打了一大堆文字，卻徒然加重了自己的無力感。一事無成。

弱勢者欺負更弱勢者，是社會最致命的矛盾。